Tuesday, November 18, 2014

കവിതകൾ ....കവിതകൾ ....കവിതകൾ ....

സഹയാത്രികൻ
------------------------
എറണാകുളം സൗത്ത് റയിൽവേ സ്റ്റേഷനും
നോർത്ത് റയിൽവേ സ്റ്റേഷനും തമ്മിൽ 
എപ്പോഴും മാറിപ്പോകുന്ന
ഒരു ചെങ്ങന്നൂർ കാരനായിരുന്നു
ഇക്കുറി എന്റെ സഹയാത്രികൻ
കോട്ടയം മുതൽ അയാൾ വല്ലാതെ
അസ്വസ്ഥനായിരുന്നു ഈ വണ്ടി
സൗത്തിലോ അതോ നോർത്തിലോ
ഒടുക്കം സൗത്തിലിറങ്ങി
നെടുമ്പാശ്ശേരിയിലേക്ക് വണ്ടിപിടിക്കുന്നതിനിടയിൽ
അയാൾ ഇത്രയും കൂടി പറഞ്ഞു
അടുത്ത തവണ അമേരിക്കയിൽ നിന്നും
ആകാശ മാർഗേണ ആറന്മുളയിൽ ഇറങ്ങി
ചെങ്ങന്നൂർ ദേവിയുടെ തൃപ്പൂത്താറാട്ടിനു കൂടണം
ഞാൻ നെഞ്ചുരുകി പ്രാർഥിച്ചു
ഹെന്റെ ആറന്മുള ഭഗവാനെ
ചെങ്ങന്നൂർ ദേവിയെ തൃപ്പൂത്താക്കല്ലേ ....
---------------







സ്പീഡ് 



നൂറു മൈൽ സ്പീഡിൽ പയ്യൻ
ബൈക്കിൽ പാഞ്ഞപ്പോൾ. yo..yo
അതേ വേഗത്തിൽ
ആംബുലൻസിൽ ആശുപത്രിയിലേക്ക്കുതിച്ചപ്പോൾ അയ്യോ..അയ്യോ

============================================



1 comment:

  1. യോ..യ്യോ ക്ക് പകരം ആംബുലൻസിലെ അയ്യൊ അയ്യോ തന്നെ കലക്കൻ

    ReplyDelete